Есірткі қолдануды тоқтатыңыз

Жасөспірімдердің есірткі қолдануы бүгінгі күні өте өзекті мәселе. Оны шешу және уақытында алдын алу үшін қоғам мен мемлекет белсенді шаралар қабылдауы қажет. Шымкент қаласы Полиция департаментінің есірткі қылмысына қарсы іс-қимыл бөлімінің қызметкерлері академик A. Kuatbekov атындағы Халықтар достығы университетінің студенттерімен профилактикалық әңгіме өткізді. Студенттерге Президенттің Қазақстан халқына Жолдауынан синтетикалық есірткіні қолдану мен заңсыз сатудың алдын алу, оны қолданудың салдары және заңсыз өткізу үшін құқықтық жауапкершілік туралы үзінділер айтылып, ақпараттық-білім беру материалдары таратылды. Әңгіменің басты мақсаты — студенттерде есірткіні қолдану мен таратуға теріс көзқарас қалыптастыру. Жиын соңында студенттер тақырып бойынша өзекті сұрақтар қойып, уақытылы жауап алды.