6В04210 — «ҚҰҚЫҚТАНУ» БІЛІМ БЕРУ БАҒДАРЛАМАСЫ КӘСІПТІК БАҒДАР ЖҰМЫСЫН ӨТКІЗДІ

6В04210 — «Құқықтану» бағдарламасының профессор-оқытушылар құрамы 11 сынып түлектерімен, Фуркат атындағы № 37 жалпы орта мектеп оқушыларымен кәсіптік бағдар кездесуін өткізді.

Мақсат — оқушылардың кәсіби қызығушылықтары мен бейімділігін анықтау, таңдаған мамандығын меңгеру әлеуетін бағалау, кәсіби өзін-өзі анықтау және қоғамға сәтті бейімделу барысында психологиялық-педагогикалық қолдау көрсету.

Кәсіптік бағдар аясында:

• «Құқықтану» мамандығының оқу бағдарламасы таныстырылды;

• Мамандықтың ерекшеліктері мен болашағына арналған презентация және түсіндіру жұмысы жүргізілді;

• Кездесуді ұйымдастырып, түлектерді алып келген кәсіптік бағдар маманы мен мектеп директорына алғыс хаттар табысталды.