Экстремизм, терроризм және интернет: теологтар студенттермен профилактикалық әңгіме өткізді
Экстремизм мен терроризм қазіргі заманның ең қауіпті мәселелерінің біріне айналып, елдің ұлттық қауіпсіздігіне нақты қатер төндіруде. Осыған байланысты жастардың діни-саяси экстремистік ұйымдардың насихатына қарсы берік иммунитетін қалыптастыру және олардың әлеуметтік белсенділігін дамыту аса маңызды.
Академик А.Куатбекова атындағы Халықтар достығы университеті бұл бағытта Шымкент қаласының Дін істері басқармасымен бірлесіп белсенді жұмыс жүргізуде. Университетте 1 курс студенттерімен кездесу өтті.
Кездесуге шақырылған спикерлер: Шымкент қаласының ішкі саясат және жастар істері басқармасының «Қоғамдық келісім» бөлімінің басшысы Әбдікәрім Нұржан Кеңесұлы, «Ақпараттық-түсіндіру жұмысын ұйымдастыру және үйлестіру» бөлімінің басшысы Тиллабек Саян Аднабекулы, сондай-ақ кездесуге академик А.Куатбекова атындағы Халықтар достығы университетінің тәрбие және әлеуметтік жұмыс жөніндегі проректоры Садыков Бердыкул Кадыркулович және студенттер қатысты.
Студенттер сенімді ақпарат көздері мен әлеуметтік желілердегі қауіпсіз мінез-құлық ережелеріне белсенді қызығушылық танытты. Негізгі кеңестер: тек ресми дереккөздерге сену, олардың интернетте де бар екенін ескеру; әңгімені діни тақырыптарға табанды түрде бұратын адамдармен қарым-қатынастан аулақ болу; экстремистік идеологияның ерте ме, кеш пе жеке тұлғаны басып-жаншуға және толыққанды өмірді бұзуға әкелетінін есте ұстау. Студенттер өздерін қызықтырған сұрақтарға толық жауап алды.
